Då Birger Legland trakk garna utanfor Skorpo på morgonkvisten i dag fekk han opp 2 heller sjeldne gjestar. Det var St. Petersfiskar, og eit raskt arkivsøk avslørar at vi ikkje har skreve om fangst av denne særprega fisken siden 2008 då Jan Henrik Hansen fekk ein i garnet ved Flatholm.
St. Petersfisk (zeus faber på latin) er eigentleg ein framand fisk på våre breiddegrader men han har vorte meir vanleg på grunn av varmare vatn.
3 kameratar frå Odda vart berga midtfjords utanfor Korsnes i Uskedalen ved 20-tida i kveld. Dei vart kasta ut av båten sin då den gjorde ein brå sving men det gjekk bra takket være stor innsats av lokale båtfolk. Ein av de tre vart innlagt på sjukehuset på Stord med kutt i begge beina, Dei 2 andre er ikkje skada men naturleg nok sterkt prega av det som skjedde.
Røyrleggjarfirmaet til Johannes Kaldestad Feet i Uskedalen er konkurs. Det blir kunngjort i Kvinnheringen i dag. Kaldestad Feet etablerte seg på eigen kjøl i 2008 etter mange år i Husnes Røyr og nærmare 20 år i bransjen. Ved etableringa vart dette det tredje røyrleggjarfirmaet i bygda.
Tor Sigve Sjo, som bur i Sæbøvik men er grunneigar her i bygda, har søkt om å få fjerna 1200 kubikkmeter masse i Uskedalselva. Det aktuelle området ligg nær utløpet og like ovanfor campingplassen. NVE krev konsesjon etter vassressurslova på bakgrunn av skader eller ulemper for allmenne interesser. Det vil truleg ikkje bli gjeve konsesjon.
Kommunen har teke til fylgje klage frå ein av dei ikkje-kommunale barnehagane og difor vert no tilskottssatsane for dette året endra. Driftstilskotet pr. heiltidsplass for små barn aukar frå 158 236 til 179166 og for store barn frå 77 300 til 87 733. Dermed blir tilskotet til Dønhaug Gardsbarnehage 2 420 283 pr. år
Uskedelingen Oddbjøn Kroka har fått ny frist for oppstart av arbeidet med minikraftverket Lielva Kraftverkk i Mauranger. Fristen no 25. mai 2017 og NVE gjer det klart at det ikkje er gjeve høve til ytttarlegare utsetjing. Imidlertid vil han starta byggjinga snart.
Tenk å få leva i eit land der det faktisk går an å sjikanera landets statsminister såpass usakleg som bøndene har gjort utan at nokon - aller minst statsministeren sjølv - ville finna på å meina at det ikkje skulle vera lov.
Dagens talar, advokat Bjarte Døssland, kom med denne ytringa med utgangspunkt i biletet av statsministeren med ei høne på hovudet. Det har vore utplassert også i Uskedalen.