Snart klart for fleire bustader i Nedre Halsabråtet |
 | | Dette er reguleringsplanen slik han no ligg føre. |
|
| |
| Rådmannen går inn for at kommunestyret skal godkjenne forslaget til reguleringsplan for det nye bustadfeltet i Nedre Halsabråtet, der ivar Gundersen er tiltakshavar. Grunnlaget for kommunal eigengodkjenning er til stades, slår rådmannen fast. Saka skal opp i forvaltningskomiteen 10. mars og i kommunestyret 25. mars. |
| |
| Om planforslaget skriv rådmannen i saksutgreiinga at føremålet er tilretteleggjing for utbyggjing av frittliggjande og konsentrerte bustader. I eksisterande reguleringsplan for Nedre Halsabråtet som vart godkjent i 1982 er arealføremålet det same. Kommunedelplanen som vart godkjent i 2003 stadfester dette og forslaget som no føreligg visar ingen arealutviding. |
| |
| Når det gjeld tilhøvet til kulturminne var ei arkeologisk undersøkjing gjennomført i fjor sommar. |
| |
| Forvaltningskomiteen har vedteke at mønehøgd skal reduserast til maksimalt 6 meter og at 2-mannsbustader skal vera i ei høgd. |
| |
| I føresegnene heiter det mellom anna at før det kan gjevast byggjeløyve for bygningar innanfor sikkerhetssona for høgspentline skal lina leggjast i grøft. |
| |
| Det har kome motsegn frå fylkesmannen, men denne er trekt etter revisjon av planforslaget. |
| |
| Administrasjonen skriv i vurderinga si at endringane som er gjort er mindre vesentlege og aukar kvaliteten til reguleringsplanen. |
| |
| Av Ola Matti Mathisen |
| |
| |
|
|
|
