 |
Kvinnherad har fått veteranlag |  | | President Odd Helge Olsen saman med leiar Asle Sund, nestleiar Anne Tangen Rørdal og sekretær Geir Dolonen Marthinussen |
| | | Med president Odd Helge Olsen som gjest vart det ikveld halde
konstituerande årsmøte på Solheim Turiststasjon for eit veteranlag.
Målgruppa er ikkje berre dei nærmare 100
frå Kvinnherad som har delteke
i internasjonale, fredsbevarande operasjonar, men også pårørande
og andre som sluttar seg til laget sitt føremål. Laget er også ope for
andre enn kvinnheringar.
| | | Diverre var berre 7 til stades - 6 frå Husnes og1 frå Uskedalen -
men presidenten var likevel optimist og minna om den vind i
segla som orgainisasjonen NVIO (Norges Veteranforbund
for internasjonale operasjoner) opplever. No har den 7400
medlemmer etter ein auke på nesten 500 berre i fjor og blir
møtt med stor velvilje på alle hald, ikkje minst i den politiske
leiinga her i landet. Organisasjonen er i alle fylker. | | | Leiar av NVIO avdeling Kvinnherad vart Asle Sund medan
Anne Tangen Rørdal er nestleiar, Geir Dolonen Marthinussen
sekretær og Jan Terje Saghaug kasserar. Alle bur på Husnes
og styret håpar på deltaking også frå andre delar av kommunen,
ikkje minst Uskedalen. Dolonen Marthinussen og Åge Johansen
fekk i kveld medaljen for frredsbevarande operasjonar.
| | | NVIO gjer ein stor innsats for å bistå dei mange som har problem
etter å ha gjort teneste ute og president Olsen kalla i denne
samanhengen kameratstøtten som den viktigaste pillaren til
organisasjonen. | | | 2 frå det nye laget vil i mars delta i eit
kameratstøttekurs på 'basen' Bæreia ved Kongsvinger som no
igjen har vorte eit ankarfeste for krigsveteranar. NVIO har også
pårørandekurs.og det vil bli halde organisasjonskurs her i
Kvinnherad. 8. mai blir veterandag også i år, opplyste
presidenten. Det var ikkje minst denne dagen i fjor som
stimulerte danninga av veteranlaget.
| | | - Det viktigaste er at veteranane får anerkjennelse for det dei
har gjort, og at dei slepp å stå med lua i handa, sa Olsen og peika
på dei gode erstatningsordningane
som organisasjonen har fått istand. Veteranane har det gjerne
hardast i høgtider og om sommaren, konstaterte presidenten som
hadde mange døme på kor hardt mange har hatt og har det.
| | | | Tekst og foto: Ola Matti Mathisen | | |
| | | | | | |
|
| |
 |
