 |
14-åringar leiar dansegruppe | | | | Dagens gode og ikkje lite imponerande nyhende på trim-
og sportsfronten i bygda er denne: I kveld starta det ei
dansegruppe i turngruppa og den blir leia av dei desidert
yngste instruktørane som gruppa rår over; Både Bente Yri
Halvorsen og Ingeborg Ljostveit Sundal er 14 år gamle.
Men ingen bør klage over at det er for unge, for dei har
gjennomgått solide kurs.
| | | - Eg har lenge masa på Anette Sund om at vi måtte få i
gang ei slik gruppe og endeleg gjekk det i orden, sa ei glad
Bente til uskedalen.no etter den første timen i Aktivitetshuset.
Til den møtte det fram 11 deltakarar mellom 9 og 12 år trass i
heller sparsam PR.-innsats og det skorta ikkje på engasjement.
- Neste gong tror vi på enda større oppslutnad, sa Bente. Instruktørane
kunne glede seg over at det i alle fall var eit visst innslag
av gutar i flokken1 | | | Kva slags dans er det så dei instruerar i?
Svaret var i alle fall i dag ein blanding av jazz og hip
hop og den siste låten som
dei starta på hadde dei sogar laga sjølv. | | | Gruppa skal møtast mellom klokka 19 og 20 kvar onsdag
utover vinteren. | | | Over er flokken saman med instruktørane sine og under er
to situasjonsbilete frå den første 'skuletimen'. | | | | Tekst og foto: Ola Matti Mathisen
| | | | | |
|
| |
 |
