Skulen før i tida

(bileteigar: Harald Sætre)

Skuletur til signingsferd

Dette biletet er frå ein skuletur skulen i Uskedalen og på Haugland hadde på 1950-talet. Truleg er det frå ein tur til Stord i 1957 i samband med signingsferda tgil Kong Olav. Til høgre ser vi lærarane Jon Holte og Sigurd Haugland. Elevane er frå venstre Torfinn Myklebust, Torkjell Stensletten (halvt skjult), Arvid Døssland og ein ukjend.

Slike skuleturer var årvisse og det vart nytta båttransport, som oftast med ei skøyte som var ledig. Den lengste turen Harald Sætre (som har sendt oss biletet) var med på, gjekk til Stend jordbruksskule i Fana.

(bileteigar: Harald Sætre)

Framhaldsskuletur på 1960-talet

Dette biletet viser elevane på framhaldsskulen i Uskedalen på klassetur til Haugesund i 1963/64. Lærar Peder Kjærland sit til venstre. Det var vanleg at han kvar vår tok klassen med på tur til Haugesund, der besøk i ein avisredaksjon var eit av høgdepunkta. På den tida heldt framhaldsskulen til i bedehuskjellaren. Biletet er teke om bord i MF Folgefonn på veg frå Sunde til Valevåg.